idol BEN.

Meron akong gustong ipahayag.
Tungkol sa taong hinahangaan ko.
Itatago ko siya sa pangalang "Ben"
dahil ayaw niya sa publicity:]]

Meron akong taong hinahangaan. Pero hindi crush. Isang lalake na itatago natin sa pangalang Ben. Minsan ko na siyang hinangaan (crush) at halos muntikan pa akong mahulog sa kanya. Ngunit may isang kaibigan na tumulong sa akin na makalabas sa kwebang iyon. Na siyang--basta. mamaya na. Hinangaan ko siya noon dahil sa magkaibang rason kung bakit hinahangaan ko siya ngayon. Hinangaan ko siya noon dahil sa napakaraming bagay na inihawig niya sa taong minahal ko dati. Dahil sa likas na pagiging masayahin niya, dahil sa mga mata niya, at dahil sa kaibigan siya.

Ngayon, tulad ng sinabi ko, hindi parehong dahilan ang mayroon ako. Itong lalaking ito, habang tumatagal ay mas nakikilala ko ng maayos--mabuti. Muli kaming nag karoon ng komunikasyon noong 2nd year ako dahil sa may gusto siya sa matalik kong kaibigan. Ngunit hindi nagtagal, naghiwalay sila ng matalik kong kaibigan na minahal na rin niya--at minahal siya. Pero sa paghihiwalay na iyon, walang kasiguraduhan ang lahat. Kung ano ba talaga ang meron sa kanila bago yung paghihiwalay at kung ano ang mangyayari sa kanila pagkatapos ng paghihiwalay.

Dahil dito, unti unti nang nawalan ng pag asa si "Ben" ngunit alam ko, sa puso niya, na mahal pa niya "siya".

Nagmahal na muli si Ben, una gusto-- ngunit sa panahong ito ay tumubo ang pagkagustong iyon sa pagmamahal --sa isang babaing malapit din sa akin. Hindi ko siya masisisi. Isang taon siyang naghintay sa pagbabalik ng WALA. Ngayon, handang handa na siya para sa bagong pag-ibig pero nang muling nagparamdam ang nakaraan, nanghina na muli siya. Sa mga pag-uusap namin bago pa siya tuluyang mahulog sa babaing kaharap niya ngayon, may kalituhan sa isip niya, kung maghihintay pa ba siya ng tuluyan o bibigyan niya ng pagkakataon ang sarili niya na magmahal ulit. Hindi nagtagal, nakapagdesisyon na siya. Na tuluyan na niyang mamahalin ang babaing nandito. Ngayon. Nagsimula na siya. Nung una nainis ako kasi hindi siya gumagalaw. Kung minsan pa nga, iniiwasan niya yung babaing nililigawan na niya. Oo, nainis ako ng kaunti dahil sa aksyon na iyon. kaya kinausap ko siya.

Sa pagkausap ko sa kanya, nalaman ko yung katotohanan. Na gusto niyang ayusin ang lahat. Gusto niyang magpaalam ng maayos. Makipagusap ng maayos. Bakit? Dahil sa gusto niyang mahalin ng tapat ang babaing nandito NGAYON. Gusto niyang maging tapat sa babaing pinili niya at hindi maging tulad ng iba. Gusto niyang maging puro ang bawat sandali na ipararamdama niya sa babaing nandito NGAYON kung gaano niya ito kamahal. Talagang humanga ako kay "Ben".

Marami pang impormasyon sa likod ng kwentong yan. Pero masyado anng makukwento ang pribadong buhay niya. kaya dito ko na tatapusin ang paghanga ko kay Ben. Isa sa pinakakonting lalaking nakilala ko na hanggang sa ngayon e alam pa ang ibig sabihin ng pagmamahal.